خرجت الفنانة فاطمة الزهراء لحرش بتوضيح عبر حسابها الرسمي على موقع تبادل الصور والفيديوهات “إنستغرام”، وذلك عقب تأويل بعض الصفحات لتصريحاتها الإعلامية الأخيرة.
وجاء في تدوينة للحرش “فقط توضيح بسيط، في اللقاءات الإعلامية اللي شاركت فيها مؤخرا، جاوبت على أسئلة عامة طرحها الإعلاميون حول مواضيع مثل الخيانة، الصداقة، الخبت والعلاقات الإنسانية بصفة عامة، وهاد المواضيع ما كانتش موجهة لأي شخص بعينه”.
وتابعت “كنلاحظ أن بعض الصفحات كتحاول تربط الكلام ديالي بحياتي الشخصية أو بنوفل او كيحطو حتى تصاورنا بعناوين للفت الانتباه وهادشي غير صحيح نهائيا او بعييييد كل البعد عليه أو أنا ما تكلمتش على أسباب الطلاق، وما عندي حتى رغبة ندخل في هاد التفاصيل لأنها مسألة شخصية ومحترمة”.
وأضافت “داكشي كااامل لي قلت كان من القلب وبنية مشاركة تجربة إنسانية ممكن أي واحد يعيشها، أما التفسير الخاطئ فهو مسؤولية اللي كيأول الهضرة باش يركب على الموجة، شكرا لكل الناس اللي كتعرف تفرّق بين الصراحة والفضول، وبين الكلام العام والتوجيه الشخصي”.
يذكر أن فاطمة الزهراء لحرش كانت قد حسمت جدل طلاقها من الفنان نوفل بنموسى، وذلك عبر خاصية الستوري على حسابها الرسمي بموقع تبادل الصور والفيديوهات “إنستغرام”.
وجاء في توضيح للحرش “بغيت نوضح بكل احترام أن طلاقنا رسمي، هادي أكثر من ثلاث أشهر وهاد القرار ماشي بوز ولا مادة للنقاش. راه الحياة اختيارات، وكل واحد منا اختار الطريق اللي كيشوف فيه الراحة والسلام”.
وتابعت قائلة “الحمد لله، الأب ديال بنتي كيقوم بواجبو كأب، وأنا كنقوم بواجبي كأم، وهادشي كيبقى بينا فإطار الاحترام والمسؤولية. نتمنى من الناس يتفهمو أن بعض الأمور شخصية، وما كتحتاجش تأويل ولا إشاعة النية الطيبة كتكفي”.
تعليقات
0