“هذا ذل ماشي كرم”.. لمنور يهاجم مظاهر الترحيب غير المعقولة لجماهير “الكان” -صورة

وجاء في تدوينة ياسين لمنور “معنديش مشكل مع أي مظاهر الكرم و الترحيب المعقولة بجماهير الدول الصديقة والشقيقة … ولكن ديك مرحبا بيك اجي سكن عندنا، تخلي ليه البيت وتنعس في الصالون باش يقولو المغاربة كرماء را غا ذل ما كرم ما والو … “.

وتابع قائلا “دابا حنا لوطيلات نعمروهم بالجن العاشق؟ أولا دوك صحاب المطاعم ومالين الشوا اللي غا كيشوف البراني كيتخشغ ويقول والله ما نتخلص من عندك حنا خاوا.. خويا بغيتي دير الخير ديرو فخوتك المغاربة اولا ديرو غا فراسك ، اولا فهاذ البرد عمر الطونوبيل وقصد شي جبل فهاذ البرد …”.

وأضاف “أما هاذيك الأبواب المفتوحة را والله ما كيشوفوها طيبوبة، كيشوفوها غا تملحيس أخي الكريم. حتى ديك عابر السبيل ممكن ايلا شي حد هارب من الميزيرية باغي يحرق تعامل معاه فسبيل الله أما واحد جاي يتفرج فالبالون خاص يجبدهم بالدوڤيز أخي الكريم أما الضيافة والكرم هي يجي أي إفريقي أو عربي غادي يتفرج بكرامة واحترام وتقدير نقطة إلى السطر …”.