بعد معركته مع السرطان.. حميد الحضري يعلن استئناف نشاطه الفني -صورة

وتابع “موراها ف 2020 خرجت ألبوم الثاني ديالي و اللي سميتو “عشرين” حيت كان فيه دوبل ألبوم كل واحد فيه 20 أغنية و حيت خرجتو يوم 20 فبراير 2020 و كنت عملت حفل إصدار في طنجة بحضور بزاف ديال الفنانين الأصدقاء ديالي، موراها جا كوفيد و في رمشة عين كلشي تشد وكان علينا نگلسو فديورنا وما نخرجوشي ولكن هذا ما منعنيش انني نكمل المسيرة الفنية و قدرت نخرج اغنية “ديما مجموعين” بشراكة مع مجموعة ديال الفنانين الأصدقاء”.

وأضاف الحضري “لكن العام اللي موراه و بالضبط ف يوليوز 2022 تفاجأت باصابتي بورم في الدماغ، و كانت هادي اكبر ضربة تلقيتها فحياتي، و لكن الحمد لله، تقبلت الابتلاء كان عندي ايمان قوي بالله سبحانه واللي كنت متاكد انه غادي يشافيني، قاومت المرض وما خفتشي منه، و الحمد لله بشوية بشوية قدرت نتخطى هاد المرحلة الصعيبة بزاف، خرجت اغنية كلشي على الله باش نعبر بيها على الدروس اللي استفدت منها والامتنان ديالي لله سبحانه و تعالى اللي حسيت انني تقربت منه اكثر”.

وأرف قائلا “وموراها جا المونديال ديال قطر وتمكنت انني نمشي نشجع المنتخب الوطني وعشت تما اجمل لحظات حياتي و هاد الشي فرحني و عاوني باش نزيد نتغلب على المرض، و موراها بعام مشيت ن ساحل العاج باش نشجع المنتخب فكاس افريقيا و هاد المرة ما كانتشي النتيجة كتفرح و لكن استقبلنا كمغاربة بزاف ديال الحب من عند الايفواريين و رجعنا لبلادنا راسنا مرفوع، هذه هي القصة، فيها فرح، معاناة، صبر، صعود وهبوط، المهم هو انني في أصعب الاوقات تسلحت بالإيمان و الطاقة الايجابية وعمري ما استسلمت”.

وختم حميد الحضري تدوينته معلنا عودته قائلا “ودأبا، كنحس انني قادر نرجع من جديد، بسوفل جديد و بستايل جديد وباش نقدر نرجع، اسنبطت الطاقة من اعماق روحي، من الجذور، from the roots”.